Ħames Minuti Intervisti Divertiment Teatru Arti

Il-gazzetta ILLUM tiċċelebra lil San Pawl b'suppliment speċjali

Għada fuq il-gazzetta ILLUM suppliment b'ritratti u intervisti dwar il-festa tan-Nawfraġju ta' San Pawl tal-Belt Valletta

Yendrick Cioffi / 9 ta' Frar 2019 10:51
Ritratt | Carl Farrugia Photography
Għada, l-10 ta' Frar, il-gazzetta ILLUM se tkun qed tiċċelebra l-festa tan-Nawfraġju ta' San Pawl b'suppliment speċjali ta' erba' paġni.

Is-suppliment jinkludi sensiela ta' ritratti tal-vara u dawk marbuta mal-festa ta' San Pawl fil-Belt Valletta.

Ma jonqsux intervisti interessanti dwar il-vara ta' San Pawl, kapolavur ta' Melchiorre Gafà, u intervisti oħra, fosthom mal-Kononku Dun Ġwann Ciarlo li jitkellem dwar żewġ relikwi importanti li nsibu fil-Kolleġġjata Pawlini.

Il-President tal-Għaqda tal-Pawlini, Mario Cassar, jgħidilna x'qed tipprepara din l-għaqda biex tiċċelebra l-50 anniversarju mit-twaqqif tagħha.

Dan huwa t-tieni minn sensiela ta' supplimenti li l-gazzetta ILLUM se tkun qed tippubblika biex tiċċelebra l-festi Maltin.

Yendrick Cioffi ssieħeb mal-kumpanija Mediatoday fl-2018 wara 4 snin ta' ħidma bħala ġurnalist mas-sit newsbook.com.mt. Cioffi jispeċjalizza fi stejjer soċjali , politiċi u kulturali u għal din l-aħħar sena kien responsabbli għat-tfassil ta' diversi supplimenti dwar festi ta' bliet u rħula differenti
Stħarriġ
Segwina fuq Facebook