Politika Kronaka Soċjali Intervisti Zekzik Poodle Għawdex Qrati u Pulizija

'Jew tonqos jew barra'

Sospiżi xahar milli jaqraw l-aħbarijiet sa ma jonqsu

John Busuttil / 20 t'Awwissu 2016 10:56
'M'intkomx se tidhru fuq it-TV sa ma tonqsu' qalulhom lil tmien ġurnalisti li jaqraw l-aħbarijiet fuq stazzjon tal-Istat tal-Eġittu, ERTU. Dawn it-tmien ġurnalisti ġew sospiżi xahar biex jagħmlu d-dieta. Jekk am jagħmlux hekk jitkeċċew mix-xogħol. Barra d-dannu u l-umiljazzjoni pubblika ta' dawn l-imsejkna li għoġobhom jieklu naqra aktar dawn in-nisa lanqas biss se jingħataw salarju.

Khadija Khattab, waħda minn dawk sospiċi u hi waħda mill-aktar 'anchor woman' popolari qalet lil ġurnal tas-sawdi Al Watan li ħassitha ferm umiljata u l-aġir ta' min imexxi hu skandaluż. "In-nies għandhom jaraw kif dehert fuq it-TV huma u jiġġudikaw huma jekk inhix daqshekk ħoxna li dejjaqthom". Min-naħa tal-istazzjon qalu li din id-deċiżjoni saret għax l-istazzjon Eġizzjan irid jimodernizza d-dehra tiegħu u biex ikunu kompettitivi mal-istazzjonijiet oħra Internazzjonali u jneħħu l-ideja li għax stazzjon Eġizzjan jgħaddi kollox. 

Sadattant din id-deċiżjoni diġa qajmet pandimonju sħiħ fost l-organizazzjonijiet mondjali dwar id-drittijiet tal-mara, "Li tiġġudika persuna fuq id-dehra tiegħu mhux ġust. Iżda rridu niġġudikawhom dwar il-prestazzjoni tagħhom." qalet Eman Beibers president tal-assoċjazzjoni favur id-drittijiet tan-Nisa, "allura Oprah Winfrey, waħda mill-aqwa preżentatriċi fid-dinja nneħħuha għax ħoxna?"

John Busuttil attenda is-Seminarju tal-Arċisqof fil-livell sekondarju. Fl-1978 attenda għal kors tal-Method Study organizzat mill-Malta Institute of Management u ġie ċċertifikat fil-Method Time Study. Fl-1987 attenda b’suċċess għal kors fil-Middle Management organizzat mid-dipartiment tal-Management studies fl-Universita ta’ Malta. Għal erba snin sħaħ, 1994, 2000, 2001 u 2004 kien finalist tal-ġurnalist tas-sena fil-BPC awards u fl-2004 ingħata dan l-unur għal 'significant contribution to Professional Journalism' Producer & Presenter ta' diversi programmi fuq NET TV, SMASH TV, PBS u ONE TV. Ipproduċa u ppreżenta programmi radjufoniċi dwar Vjaġġar u Sport u pparteċipa f'diversi programmi televiżivi u radjufoniċi dwar suġġetti varjati. Għal 43 sena ħadem mal-Media Link. U bħalissa jaħdem mal-MediaToday.
Stħarriġ
Segwina fuq Facebook