Mike Tyson, li llum għandu 48 sena, żvela waqt intervista fuq l-istazzjoni tar-radju SiriusXM li meta kellu seba’ snin kien safa abbużat sesswalment minn persuna li ma jafx waqt li kien maħtuf mit-triq fi Brooklyn.
“Ħatafni mit-triq, jien kont għadni tifel, hu kien xiħ. Kien abbużani sesswalment u qatt ma rajtu iktar f’ħajti.”
Tyson, li llum hu missier ta’ tmint itfal qal li rnexxielu jaħrab u li dan l-inċident seħħ darba biss, żied li hu qatt ma fetaħ ħalqu dwar l-inċident, lanqas mal-pulizija, “kont komplejt b’ħajti normali” qal.
Meta mistoqsi jekk dan l-avveniment biddillux ħajtu, Tyson wieġeb “Ma nafx jekk għamlitx xi differenza jew le. Mhux dejjem niftakar fiha, kultant iva, u kultant sempliċiment ninjoraha. Illum il-ġurnata ma nistħix nitkellem fuqha.”
Tyson, kien champion tal-boxing fit-tmeninijiet, imma fl-1992 kien imdaħħal il-ħabs wara li stupra tfajla, Desiree Washington f’Indiana u weħel tliet snin ħabs.
