Raġel ta' 61 sena mill-Mellieħa ċaħad akkużi miġjubin kontrih illum fil-Qorti. Hu qed ikun akkużat b'attakk fuq martu b'martell
Il-vittma, li għandha wkoll 61 sena sofriet minn diversi daqqiet ta' martell f'rasha u f'wiċċha waqt attakk li seħħ fid-dar taż-żewġ persuni nhar it-Tnejn.
L-Ispettur Clayton Camilleri li mexxa l-prosekuzzjoni qal lill-Maġistrat Natasha Galea Sciberras illi l-akkużat kien ammetta ir-responsabilità tal-ġrieħi li kellha.
Minkejja li d-difiża talbet gall-ħelsien mill-arrest il-Qorti m'aċċettatx din it-talba u ordnat li r-raġel jibqa' jinżamm fil-kustodja tal-pulizija fil-Unit Forensiku tal-Isptar Monte Carmeli.
Il-Qorti ħarġet Ordni ta' protezzjoni favur il-vittma.