Raġel tressaq il-Qorti akkużat li weġġa’ u hedded lil martu li se joqtolha waqt argument li kellhom bejniethom.
Il-Maġistrat Marseanne Farrugia semgħet lill-Ispettur Roderick Attard jispjega kif ir-raġel ta’ 33 sena hedded lil martu, anke permezz ta’ telefonati.
Huwa kien akkużat li kkawża biża’ fuq martu, li għamel użu ħażin minn tagħmir tat-telekomunikazzjoni, li hedded lil martu u li kkawżalha feriti ħfief waqt argument li kellhom ilbieraħ fid-dar tagħhom fiż-Żejtun.
Ir-raġel qed iwieġeb mhux ħati tal-akkużi miġjuba kontrih.
Huwa ngħata l-ħelsien mill-arrest fuq garanzija personali ta’ €2,500. Kien ordnat jiffirma darbtejn fil-ġimgħa fl-għassa u biex josserva curfew.
Ir-raġel se jkun qed jgħix f’raħal ieħor u mhux iż-Żejtun.
Il-Qorti ordnat ukoll li l-mara tingħata l-protezzjoni.