Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

Qorti | Missier Liam Debono jirrifjuta li jixhed fil-każ kontra ibnu

Tingħalaq l-evidenza fil-każ li ra lill-Pulizija Simon Schembri kważi jitlef ħajtu...

Albert Gauci Cunningham / 5 ta' Ġunju 2019 11:37
Missier Liam Debono dalgħodu fil-Qorti uża d-dritt li tagħtih il-liġi fil-każ ta' xhieda kontra xi ħadd fil-familja u ma xehedx fil-każ kontra ibnu. Debono qed ikun akkużat b'attentat ta' qtil ta' pulizija hekk kif saq fuqu u għal naqra ma ħalliehx tal-post. Dan il-każ qajjem għagħa kbira fil-pajjiż b'mixja ta' solidarjetà favur il-Pulizija vittma, Simon Schembri u l-korp tal-Pulzija kollu. 

Uffijċal tal-probation xehed kif f'April Debono rriżulta li kien pożittiv għall-kannabis. 

Is-sid tal-karozza illi fiha kien Debono ukoll għażel li ma jweġibx mistoqsijiet imma spjega kif kien qal lill-Pulizija fuq ix-xena illi hu kien ħalla lill-akkużat isuq ftit, waqt li kienu qed jaħslu l-garaxx. 

Wara li l-evidenza kienet magħluqa l-Maġistrat Joe Mifsud qal illi se jkun qed jgħaddi s-sentenza nhar is-26 ta' Ġunju.

Albert Gauci Cunningham, 36 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook