Ilbieraħ filgħodu, membri mid-Distrett tal-Belt Valletta, sabu ammont ta’ pakketti tas-sigaretti, li moħbija fihom kien hemm sustanzi suspettati li huma raża u ħaxixa tal-kannabis. Din is-sejba saret waqt spezzjonijiet li saru f’binja li tinsab Xatt il-Mollijiet, il-Marsa.
Fuq il-post instabu wkoll diversi oġġetti relatati mat-traffikar tad-droga, fosthom miżien elettroniku.
Bil-każ ġie nfurmat il-Maġistrat tal-Għassa Dr. N. Camilleri, li ħatar diversi esperti sabiex jassistu fl-Inkjesta li ġiet appuntata.
Investigazzjonijiet tal-Pulizija għadhom għaddejjin.
