Fi stqarrija il-Kelliema tal-Intern għall-Partit Nazzjonalista Beppe Fenech Adami qal li dik tal-lejla - bl-immigranti kollha taċ-Ċentru miftuħ ta' Ħal Far kollha taħt kwarantina - hija miżura li qed tittieħed tard wisq.
"Il-Partit Nazzjonalista għaxart'ijiem ilu wissa fuq il-periklu tat-tixrid tal-virus f'ċentri bħal dan u fil-ħabs. Il-Gvern hoped for the best iżda did not prepare for the worst issa the worst qed iseħħ," qal Fenech Adami. .
Huwa fakkar li issa hemm 1,000 persuna ġo tined u kontejners, "sitwazzjoni li ovvjamant se twassal għal iktar tixrid. Din hija riċetta għal diżastru. Il-Gvern għandu b'mod inmedjat jassigura illi mill-aktar fis isir swabbing tar-residenti kollha fiċ-ċentri miftuħa. Għandu jara kif l-iffullar f'dan iċ-ċentru jiġi indirizzat anke jekk hemm bżonn jinstabu siti ta' detenzjoni alternattivi.