Għada, il-linja nazzjonali tal-ajru, l-Air Malta se tkun qed topera titjiriet biex iġġib lura Malta residenti li bħalissa jinsabu maqbuda barra mill-pajjiż wara li ġew sospiżi t-titjiriet minn u lejn l-Italja, l-Iżvizzera, il-Ġermanja, Franza u Spanja.
Din il-miżura ttieħdet biex ma jkomplix jinxtered il-coronavirus f’Malta. Sa issa, il-każijiet kollha f’Malta, ġew importati minn barra l-pajjiż.
Fil-fatt, għada, se tkun qed jitilqu u jiġu lura dawn it-titjiriet:
Paris Charles de Gaulle
- Titlaq minn Malta fid-9:10 u tasal lura fis-13:05
Zurich
- Titlaq minn Malta fid-16:50 u tasal lura fit-20:00
Frankfurt
- Titlaq minn Malta fid-19:10 u tasal lura fil-22:40
Dawn maqbuda barra mill-pajjiż għandhom iċemplu fuq +356 22042200 jew jibagħtu imejl fuq [email protected].
Intant, l-Air Malta ħabbret li qed tillimita s-servizz tagħha fuq it-titjiriet mil-lum bil-għan li jonqos it-tixrid tal-virus.
Dawk li jsiefru Business Class se jingħataw l-ikel fi tray wieħed b’affarijiet li jintużaw darba biss.
Għal dawk li jsiefu f’Economy Class, mhux se jkunu jistgħu jixtru ikel.