Heritage Malta se tiftaħ il-mużewijiet u l-wirjiet bla ħlas waqt in-Notte Bianca
Heritage Malta se ttella' wirja f'Kastilja li wkoll se tkun bla ħlas
More in Politika
Heritage Malta se ttella' wirja f'Kastilja li wkoll se tkun bla ħlas
Nhar is-Sibt li ġej, waqt iċ-ċelebrazzjonijiet tan-Notte Bianca, Heritage Malta se tkun qed tiftaħ il-mużewijiet u l-wirjiet kollha tagħha bla ħlas.
Matul Notte Bianca l-Mużew Nazzjonali tal-Arkeoloġija, l-Armerija fil-Palazz tal-Gran Mastru u Forti Sant’Iermu se jibqgħu miftuħin sa nofs il-lejl, bl-aħħar dħul fil-11.30pm, filwaqt li MUŻA se jibqa’ miftuħ sas-1.00am, l-aħħar dħul fin-12.30am.
Heritage Malta, bil-kollaborazzjoni mal-Uffiċċju tal-Prim Ministru, se tkun qed ittella’ l-wirja ‘Dak li writna – u dak li se nħallu warajna’ fil-Berġa ta’ Kastilja.
Il-viżitaturi jistgħu jżuru b’xejn ukoll il-wirjiet ‘Ta’ Ġawhar Tower – Gold, Bread and Fire’ u ‘Culhat Al Belt – Sette Giugno 1919’ esebiti fil-Mużew Nazzjonali tal-Arkeoloġija.
Is-siti ta’ Heritage Malta se jkunu qegħdin jospitaw ukoll attivitajiet oħrajn li jifformaw parti mill-programm ta’ attivitajiet ta’ Notte Bianca.
Dawn jinkludu mużika klassika bil-kitarra ‘FourTe’, id-duo ‘Fed & Emm’, kunċert vokali ‘Of gypsy moves and fiddler tunes’, u cabaret show fil-MUŻA.
Fil-Forti Sant’Iermu se jsiru eżekuzzjonijiet ta’ talent taċ-ċirklu ‘Los Galidnos’ u ‘Notte Fatatini’, u se jospita wkoll avveniment multikulturali. Dan tal-aħħar huwa organizzat mill-Funds and Programmes Division fis-Segretarjat Parlamentari tal-Fondi Ewropej u Djalogu Soċjali, MEAE, bħala parti miċ-ċelebrazzjonijiet tal-25 sena mill-għotjiet finanzjarji tal-EEA.
Fil-Mużew Nazzjonali tal-Arkeoloġija, se jkun hemm mużika klassika, ‘Scrolls in the Museum’ u ‘Journey through a romantic landscape’.