Id-db Group ċaħad dak li qal id-Deputat Jason Azzopardi jiġifieri li l-materjal minn xogħlijiet ta’ skavar bħala parti mill-proġett City Centre, fuq l-art fejn kien hemm l-Istitut għall-Istudji Turistiċi (ITS) se jmur għar-reklamazzjoni tal-art fil-Bajja ta’ Ġorġ
“Din hija gidba totali. Il-proġett City Centre ma kkontemplax, mhux jikkontempla u lanqas mhu se jikkontempla xogħlijiet ta’ reklamazzjoni tal-art,” saħaq il-grupp.
Fit-tweġiba tiegħu, id-db Group insista li l-bini li kien jilqa’ l-Istitut għall-Istudji Turistiċi flimkien ma’ substation ta’ żmien il-gwerra l-bierda mhux se jkunu minsusa minkejja li sovritendenza tal-partrimonju kulturali ma’ wriet l-ebda oġġezzjoni
Il-Grupp saħaq li minħabba dawn l-inizjattivi li ħa biex jipproteġi patrimonju kulturali u soċjali kellu jwettaq bidliet fil-pjanijiet, inkluż fix-xogħlijiet tal-iskavar.
Insista li għall-kuntrarju ta’ dak li qal Azzopardi, l-iskavar qiegħed isir għall-preservazzjoni ta’ wirt storiku u kulturali.
Temm jgħid li dawn il-qlajjiet mhux jagħmlu l-ġid u huma intiżi biex jagħmlu biss ħsara fid-dibattitu dwar proġett ta’ €300 million li huwa l-akbar investiment privat propost minn investitur wieħed fl-istorja tal-pajjiż.
“Meta gideb bħal dan isir minn membru tal-parlament, in-natura insidjuża, perikoluża u anti-demokratika tagħhom tiżdied,” temmet tgħid l-istqarrija.
