Wara aktar minn ħames sigħat minn meta ħarġu l-ewwel indikazzjonijiet tar-riżultat, il-Kap Nazzjonalista Adrian Delia mistenni jindirizza konferenza tal-aħbarijiet fil-ħin li ġej.
Delia mistenni jżur is-sala tal-għadd tal-voti fin-Naxxar aktar tard illejla.
Intant, għall-kuntrarju tal-atteġġjament tiegħu tas-soltu, Delia għażel li ma jweġibx mistoqsijiet tal-ġurnalisti li nġabru quddiem id-Dar Ċentrali tal-Partit Nazzjonalista.
Kien għall-ħabta tal-erbgħa ta' warnofsinar li Adrian Delia deher dieħel fid-Dar Ċentrali.
Ġurnalisti minn The Times of Malta kienu hemm u ppruvaw jieħdu l-ewwel kummenti tal-Kap Nazzjonalista li iżda baqa' dieħel dritt id-Dar Ċentrali.