Xnigħat li t-tmexxija ta' Adrian Delia issa se tkin sfidata kienu kkuntrarjati mis-Segretarju Ġenerali tal-Partit Nazzjonalista Clyde Puli illi sostna li t-tiġrija bejn Joseph Muscat u Adrian Delian ser issir fl-2022 u ma kinitx din.
Hu kien qed iwieġeb mistoqsijiet mix-xandir nazzjonali, ftit wara illi l-Partit Laburista kiseb distakk rekord mill-Partit Nazzjonalista. Id-distakk jidher li se jlaħħaq il-45,000 vot.
It-tmexxija tal-Partit Nazzjonalista ilha tkun sfidata u sa kien hemm pjanijiet biex Delia jitneħħa minn Kap tal-Oppożizzjoni, attentat li ma rnexxiex. Jidher illi l-interess li jitneħħa Delia issa mistenni jerġa jiżdied.