Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

'Mar jitħabbeb ma' Simon Busuttil biex isalva ġildu' - Muscat dwar Delia

Joseph Muscat iħeġġeġ lil Adrian Delia biex ma jafdax wisq lil Simon Bususttil ...

Albert Gauci Cunningham / 22 ta' Mejju 2019 19:35
Il-Prim Ministru u Mexxej Laburista Joseph Muscat
Meta kien qed jitkellem ilejla fl-Imsida l-Prim Ministru u Mexxej Laburista Joseph Muscat sostna illi l-Kap tal-Oppożizzjoni Adrian Delia jrid jifhem u jieħu responsabilità u jiddeċiedi," sostna Muscat li fakkar illi Delia l-ewwel qal illi l-konklużjonijiet tar-rapport dwar Egrant, imbagħad mar jitħabbeb ma' Simon Busuttil. Huwa akkuża lil Delia illi għamel dan biex 'isalva ġildu'. "Lil Simon Busuttil kif ma fhadx il-poplu, oqgħod attent minnu tafdahx int."

Huwa għamel referenza għal rapporti li saru dwar Malta u dwar il-poteri lill-PM, u sostna li hu ma riedx aktar poteri lilu nnifsu. "Illum hawn ħafna checks and balances', qal Muscat fir-rigward ta' MEP Olandiż Pieter Omtzit li qal illi ma jieħux bi kbir jekk "jittraffika informazzjoni falza fuq Malta." Dan l-MEP bħalissa għaddej b'rapport tal-Parlament Ewropew dwar il-qtil ta' Daphne Caruana Galizia.

Muscat għamel referenza għall-proġett ta' flyover u proġett biex isir promenade isbaħ f'din il-lokalità wkoll. 

Huwa reġa ħeġġeġ lill-attivisti tal-partit biex jivvutaw lill-kandidati kollha tal-Partit Laburista. 

Albert Gauci Cunningham, 36 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook