Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

Il-prezzijiet tal-ikel ikomplu telgħin f'April ... tal-għamara u edukazzjoni jonqsu

Skont l-NSO il-prezzijiet tal-ikel komplew jiżdiedu f'April u dawk tal-edukazzjoni, l-għamara u l-affarijiet tad-djar raħsu.. 

Albert Gauci Cunningham / 15 ta' Mejju 2019 12:04
Matul April il-prezzijiet tal-ikel u xorb mhux alkoħoliku komplew bix-xejra 'l fuq kif prattikament ilha x-xejra fl-aħħar xhur. Fil-fatt statistika tal-Uffiċċju Nazzjonali tal-Istatistika matul April il-prezzijiet tal-ikel komplew jiżdiedu, globalment, b'0.2% meta mqabbel ma' Marzu. Ir-rata ta' inflazzjoni kienet ta' 3.8%.

Il-prezzijiet tal-ikel fil-fatt jibqa' l-akbar fattur li qed iwassal għall-għoli fil-prezzijiet. 

It-tieni l-ogħla żieda fil-prezzijiet kienet fil-qasam tal-lukandi u ristoranti, probabilment hekk kif issa bdew resqin ix-xhur iktar b'saħħithom u allura jogħlew il-prezzijiet. Ir-rata ta' inflazzjoni f'dan il-qasam kienet ta' 3.3%. 

Il-prezzijiet naqsu fil-qasam tal-edukazzjoni u dak kollu marbut miegħu (-4.8%) kif ukoll fil-qasam tal-għamara, affarijiet tad-dar (-0.1%) u komunikazzjoni (-0.1%)

 

Albert Gauci Cunningham, 36 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook