Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

Chameleon tibqa' mal-aktar diski tal-Eurovision popolari fuq You Tube

Il-filmat uffiċjali tad-diska li se tirrapreżenta lil Malta f'Tel Aviv jibqa' jiġbed l-eluf u l-miljuni ...

Albert Gauci Cunningham / 26 ta' Marzu 2019 13:37
Michela, fil-filmat tad-diska 'Chameleon'
Id-diska li se tirrapreżenta lil Malta, Chameleon, kantata minn Michela qed tibqa' fost l-aktar diski tal-Eurovision 2019 li qed jinstemgħu fuq You Tube. Fil-fatt id-diska, fil-forma tal-filmat uffiċjali tagħha, issa qabżet it-3.6 miljun 'view' li jpoġġiha biss wara Duncan Laurence li qed jirrapreżenta lill-Olanda bid-diska 'Arcade'. Din s'issa għandha 3.9 miljun 'view' u allura hija l-aktar diska li qed tinstema'. 

Id-diska ta' pajjiżna għandha 3.6 miljun 'view' filwaqt li l-filmat uffiċjali tad-diska tal-Armenja, kantata minn Srbuk u li jisimha 'Walking Out' kellha 3.5 miljun 'view' sa dalgħodu. 

Bejn dawn id-diski, inkluż ta' Malta u d-diski popolari l-oħrajn s'issa jidher li hemm differenza kbira fil-fatt, Luca Hanni li qed jirrapreżenta lill-Iżvizzera bid-diska 'She got me' hija r-raba' l-aktar diksa (il-filmat uffiċjali) li kellha 'views' sa dalgħodu b'total ta' 1.8 miljun. Dan huwa 1.7 miljun inqas mid-diska Armena. 

Il-filmat uffiċjali tad-diska ta' Franza (Roi ta' Bilal Hassani) u dak ta' L-iżvezja (Too late for Love ta' John Lundvik) ukoll qabżu l-miljun 'view' fuq. 

Il-Eurovision se jsir nhar l-14,16 u l-finali fit-18 ts' Mejju li ġej. 

Albert Gauci Cunningham, 36 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook