L-għawwiema Maltija Maria Pia Saliba għadha kif rebħet l-ewwel midalja tad-deheb għal pajjiżna waqt l-Olimpjadi Speċjali.
Il-kontinġent Malti huwa magħmul minn madwar 50 persuna li qed jieħdu sehem fl-Olimpjadi Speċjali li qed isiru f’Abu Dhabi, fl-Emirati Għarab Magħquda.
Ara hawn iż-żjara tal-Prim Ministru Joseph Muscat u martu Michelle
Intant ftit tal-ħin ilu kien imħabbar li tfajla oħra rebħet midalja tad-deheb, din id-darba Ann Ebejer rebħet ukoll midalja tad-deheb. Hija kkompetiet fil-200 metru – atletika.
Iktar tard imbagħad Malta reġgħet rebħet midalja oħra tad-deheb fil-Unified Bowling. It-tim kien magħmul minn Peter Mallia, Philip Gruppetta , Amanda Cini u Jessica Farrugia. Flimkien ma’ dawn Malta rebħet 2 midalji tal-fidda fit-table tennis permezz ta’ Warren Schembri u Doreen Vella.