Qorti | Il-Pulizija ħasbuha ecstasy ... imma kienet paracetamol

Il-Qorti dalgħodu ħelset żagħżugħ mill-akkużi ta' pussess ta' ecstasy u mephedrone wara li espert imqabbad mill-Qorti stabilixxa li minflok droga ż-żagħżugħ kellu fuqu paracetamol.

Jidher illi dan iż-żagħżugħ kien arrestat wara li deher jarmi pakkett mit-tieqa tal-karozza tat-tip Mercedes, f'Ħal Qormi.

Sussegwentement hu kien akkużat bil-pussess tal-mephedrone u ecstasy. 

Ix-xjentist Godwin Sammut, appuntat mill-Qorti biex janalizza s-sustanza, li kienet fil-forma ta' trab abjad, sab li dan it-trab abjad kien paracetamol u mhux id-droga li kien maħsub mill-Pulziija.