Alfred Zammit se jikkontesta għall-Kunsill Lokali tal-Belt Valletta

Alfred Zammit ikkonferma mas-sit illum.com.mt li l-Prim Ministru talbu jikkontesta u hu aċċetta minnufih

Alfred Zammit
Alfred Zammit

Il-preżentatur popolari Alfred Zammit se jkun qed jikkontesta għall-elezzjoni tal-Kunsilli Lokali f'isem il-Partit Laburista.

Zammit se jkun qed jikkontesta għall-kunsillier tal-Belt Valletta, il-Belt li fiha trabba u għadu jgħix.

F'kummenti ma' dan is-sit, Alfred Zammit ikkonferma li l-Prim Ministru Joseph Muscat talbu jikkontesta u hu aċċetta mill-ewwel.

Zammit mhux se jkun l-uniku personalità li se jikkontesta għall-Kunsill Lokali tal-Belt Valletta. Mark Spiteri Lucas huwa wkoll wiċċ ġdid għall-politika li se jkun qed jikkontesta għall-ewwel darba għall-Kunsill Lokali tal-Belt Valletta.

Dan apparti Christian Micallef, il-preżentatur tal-programm sportiv Replay, li l-ġimgħa li għaddiet inħatar Sindku tal-Belt Valletta wara r-riżenja ta' Alexiei Dingli u l-kantant Vince Fabri li wkoll kien elett fil-Kunsill Lokali Belti f'isem il-Partit Nazzjonalista.

Is-Sindku l-ġdid tal-Belt Valletta Christian Micallef u l-Viċi Sindku Belti Vince Fabri
Is-Sindku l-ġdid tal-Belt Valletta Christian Micallef u l-Viċi Sindku Belti Vince Fabri

More in Politika