Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

Dingli jirriżenja minn Sindku tal-Belt Valletta biex 'jirrispetta l-proċess demokratiku'

Alexei Dingli kien ilu 10 snin Sindku tal-Belt Valletta f'isem il-Partit Nazzjonalista 

Albert Gauci Cunningham / 9 ta' Jannar 2019 18:40
Alexei Dingli, eks Sindku tal-Belt Valletta
Alexei Dingli ħabbar illi se jirreżenja minn Sindku tal-Belt Kapitali ta' Malta, il-Belt Valletta. F'messaġġ fuq Facebook huwa qal illi għadda r-riżenja tiegħu lis-Segretarju Eżekuttiv tal-Kunsilli Lokali u wara lill-Kap tal-Partit Nazzjonalista Adrian  Delia.

Dingli sostna illi għamel dan "għax jemmen fil-proċess demokratiku" u għax issa ilu 10 snin f'din il-kariga. "Issa huwa l-aħjar żmien biex nagħmel bidliet," sostna Dingli. Huwa irringrazzja wkoll lil Delia u wiegħed li se jkompli jikkontribwixxi għall-ġid tal-pajjiż. 

Il-Kap tal-Partit Nazzjonalista rringrazzja lill Dingli tal-ħidma kollha li wettaq fil-kariga ta' Sindku u wera l-apprezzament tiegħu tal-għajnuna li se jibqa' jagħti lill-partit fi sferi oħra. 

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook