Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

'Ma waqgħetx id-dinja' tfakkar Helena Dalli dwar l-introduzzjoni tad-drittijiet ċivili

Il-Ministru Helena Dalli intervistata mill-Politico li jsejjaħ lil Malta 'eroj' fil-qasam LGTIQ...

Albert Gauci Cunningham / 7 ta' Diċembru 2018 11:40
Helena Dalli
Il-Ministru Helena Dalli, intervistata minn Politico sostniet li wara diversi riformi li mexxiet hi, n-nies indunaw li ma waqgħetx d-dinja u f'referenza għall-Liġi dwar iż-Żwieġ fakkret  li n-nies baqgħu jgħidu 'Happy Mothers' Day' u 'Happy Fathers Day'. Hi kienet qed tirreferi għall-kritika tal-Partit Nazzjonalista li kien akkuża lill-Gvern illi bil-Liġi dwar iż-Żwieġ kien neħħa ir-referenza tal-kliem 'omm' u l-'missier', dan fil-fatt kien ġara biex jinkludi fih koppji omosesswali. 

"Wara dak l-għaġeb kollu...li jiġri huwa li meta persuna tqum l-għada li tgħaddi riforma ssib li s-sema ma waqgħetx u l-ħajja kompliet għaddejja. In-nies jirrealizzaw li bl-introduzzjoni ta' drittijiet ġodda ma tkun ħadt xejn mingħandhom u għalhekk fil-bidu n-nies ma jkunux favur . Iżda mbagħad jindunaw li ma tkunx għamlitilhom differenza lilhom. Qalet illi għalhekk il-Gvern introduċa ż-żwieġ għal persuni LGBTIQ pass, pass u mhux f'daqqa.

L-istqarrija ta' Dalli tiġi hekk kif il-Polonja u l-Ungerija għadhom qed juru ċerta reżistenza għal-leġiżlazzjoni favur persuni LGBTIQ. 

Il-Ministru Maltija appellat lill-kollegi Ministri Pollakki biex jiftakru li huma jinsabu fil-politika biex itejbu l-ħajja ta' kull persuna u bioex tagħti d-dritt lil dawk li m'għandhomx.

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook