Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

L-Aquarius jitlob l-għajnuna tat-Tuneżija, Malta u l-Italja biex iniżżel 11-il immigrant

L-ekwipaġġ irrifjuta li jgħaddi lil dawn l-immigranti lill-Gwardji tal-Kosta Libjani

Yendrick Cioffi / 20 ta' Settembru 2018 17:06
L-ekwipaġġ abbord il-bastiment MV Aquarius irrifjuta li jagħti 11-il immigrant li salva lill-Gwardji tal-Kosta Libjani, waqt li saħaq li l-Libja mhux port sigur.

Il-bastiment talab li l-immigranti jitniżżlu t-Tuneżija, Malta jew l-Italja.

Skont l-NGO, Médecins Sans Frontières, id-dgħajsa bl-immigranti kienet wisq żgħira u bdiet timtela’ bl-ilma waqt li kienet fl-ibħra internazzjonali

Skont l-NGO, sa issa kienu l-awtoritajiet Taljni biss li wieġbu u qalu li se jinfurmaw lill-awtoritajiet Libjani.

Dan huwa l-istess bastiment li wassal għal kwistjoni taħraq bejn Malta u l-Italja f’Ġunju li għadda u kienet Spanja li daħlet fin-nofs u aċċettat li tieħu s-629 immigrant li kien hemm abbord.

F’Awwissu li għadda, Malta aċċettat dan il-bastiment li kellu fuqu 141 immigrant, liema immigranti kienu trasferiti kollha f’pajjiżi oħra membri tal-Unjoni Ewropea.

Yendrick Cioffi ssieħeb mal-kumpanija Mediatoday fl-2018 wara 4 snin ta' ħidma bħala ġurnalist mas-sit newsbook.com.mt. Cioffi jispeċjalizza fi stejjer soċjali , politiċi u kulturali u għal din l-aħħar sena kien responsabbli għat-tfassil ta' diversi supplimenti dwar festi ta' bliet u rħula differenti
Stħarriġ
Segwina fuq Facebook