Politika Kronaka Soċjali Intervisti Zekzik Poodle Għawdex Qrati u Pulizija

U mill-ġdid! Jitwaħħal l-istrixxun u jitpoġġew il-fjuri li tneħħew matul il-lejl

....jidher illi din is-saga mhux se jkun fiha tmiem; min jaqla' min iwaħħal u nerġgħu min jaqla u min iwaħħal

Albert Gauci Cunningham / 18 ta' Settembru 2018 12:11
...mill-ġdid jitwaħħal strixxun li jfakkar lil Daphne Caruana Galizia
Is-saga tax-xemgħat u fjuri li jfakkru l-memorja ta' Daphne Caruana Galizia, jidher li m'għandhiex tmiem, hekk kif iż-żewġ naħat huma determinati f'dak li qed jagħmlu. Min jaqla' għax kontra l-liġi u min iwaħħal biex 'ifakkar' fil-bżonn li ssir ġustizzja. 

Il-Gvern bagħat lill-ħaddiema biex ineħħu stirxxuni li twaħħlu mal-iscaffolding li qed jgħatti l-monument tal-Assedju L-Kbir nhar is-Sibt li għadda, bl-attivisti favur Daphne Caruana Galizia jwaħħlu kollox mill-ġdid. Dal-lejl reġgħu tneħħew ix-xemgħat, fjuri u strixxuni li kienu twaħħlu. Imma dalgħodu kif jixhed dan ir-ritratt meħud minn ġurnalist tal-ILLUM, reġa qed jitwaħħal kollox. U s-saga tkompli; min jaqla', min ipoġġi u min jerġa jaqla' u min jerġa jpoġġi!

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook