Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

Servizz ġdid matul il-lejl minn Tas Sliema sa Buġibba

N13 se tibda topera kuljum billejl minn Tas Sliema sa Buġibba kull nofs siegħa

Albert Gauci Cunningham / 14 ta' Settembru 2018 11:15
Malta Public Transport illum qed tibda topera rotta ġdida ta’ billejl bejn Tas-Sliema u Buġibba.

Ir-rotta N212 se topera tul waħda mill-aktar rotot popolari peress li tgħaqqad Sliema Ferries u San Ġiljan ma’ Buġibba, mit-Tnejn sal-Ħadd. Ir-rispons pożittiv għar-rotta ta’ bi nhar bejn Tas-Sliema u Buġibba, numru 212, wassal lill-Malta Public Transport biex iżżid is-servizz mal-iskeda ta’ billejl sabiex tkun tista’ taqdi aħjar lill-passiġġieri.

Din l-introduzzjoni tiġi wara s-suċċess li rat l-estensjoni tasservizz ta’ matul il-ġimgħa fuq ir-rotta N13 u r-rotta gdida N91. Ir-rotta ġdida N212 toħroġ minn Sliema Ferries għal San Ġiljan – Triq il-Kosta – San Pawl il-Baħar – Buġibba Terminus kull 30 minuta minn 23:12 sa 00:42. Il-vjaġġ lura jitlaq minn Buġibba Terminus – Qawra – Triq il-Kosta – San Ġiljan – Sliema Ferries kull 30 minuta minn 23:05 sa 00:35. Aktar dettalji dwar is-servizz jinstabu fuq is-sit ta’ Malta Public Transport. 

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook