Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

L-operaturi responsabbli wkoll biex il-baħar madwarna jkun imħares

L-operaturi (FMAP) jniedu kampanja edukattiva biex jenfasizzaw li anke huma responsabbli għall-ibħra tagħna...

Albert Gauci Cunningham / 28 t'Awwissu 2018 17:36
It-tonn; sors ta’ ikel, profitt u xogħol
L-FMAP (Federation of Malta Aquaculture Producers) nediet kampanja edukattiva fuq il-midja u mezzi soċjali oħra biex tenfasizza li huma wkoll, bħala operaturi fin-negozju tal-akwakultura, għandhom responsabbilità flimkien ma’ ħaddiehor, biex iħarsu l-ibħra tagħna. 

L-FMAP tifhem li għal snin twal, il-prijorità ma kinitx favur ħarsien sostenibbli. Illum, hija tal-fehma li l-futur jesiġi li jkun hawn ħarsien fl-interess ta’ kulħadd. Konxji wkoll li l-ebda attività ma tista' tkun sostenibbli jekk tħalli impatt ħażin fuq l-ambjent naturali. L-FMAP tfakkar li l-attività kummerċjali tgħin biex popolazzjonijiet naturali ta’ ħut ma jonqsux u tipprovdi proteina u ikel lill-komunitajiet diversi f’ħafna partijiet tad-dinja. Apparti li tikkontribwixxi b’mod pożittiv lejn mudell ekonomiku.

Huwa għalhekk li t-tema magħżula hija: 'Baħar wieħed, Baħar tagħna.’

Din il-kampanja qed tistieden ukoll lill-pubbliku biex jikkumenta jew jibgħat l-ilmenti tiegħu permezz tat-telefown.  L-FMAP qed ukoll tipprovdi telefon għal min jixtieq jikkumenta jew jagħmel rapport. Telefon;  21242776

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook