Politika Kronaka Soċjali Intervisti Zekzik Poodle Għawdex Qrati u Pulizija

Lura l-Qorti wara tlett ijiem...din id-darba għax gidem lil żewġ pulizija

Preċedentement kien akkużat b'vjolenza domestika...

Albert Gauci Cunningham / 17 t'Awwissu 2018 13:57
Raġel li gidem żewġ pulizija li kienu se jieħduh f'xelter ta' persuni li m'għandhomx fejn jgħixu, inżamm taħt arrest. 

Ir-raġel, li ġej minn Burkino Faso deher quddiem il-Maġistrat Aaron Bugeja dalgħodu kien akkużat illi attakka u rreżista lill-pulizija filwaqt li weġġa' liż-żewġ uffiċjali, li kienu qed jaqdu dmirhom. Huwa kien akkużat li meta attakkahom ikkaġunalhom feriti ħfief, kien akkużat li m'obdiex l-ordnijiet tal-Pulizija, li heddidhom, li kiser il-paċi pubblika u li hu riċediv. 

Dan ir-raġel kien diġa l-Qorti tlett ijiem ilu biss fuq akkużi ta' vjolenza domestika. Hu kien ordnat ma jersaqx lejn  il-vittma, liema ordni hu ma obdiex. 

Huwa gidem lill-pulizija meta dawn kienu qed jeskortawh lejn Dar Papa Franġisku. 

It-talba biex jingħata l-ħelsien mill-arrest ma kinitx milqugħa. 

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook