Politika Kronaka Soċjali Intervisti Zekzik Poodle Għawdex Qrati u Pulizija

Ħafna mill-aqwa avukati tal-kriminal f'Malta m'aċċettawx li jidhru għall-akkużati

L-akkużi kontra l-irġiel; Minn omiċidju għal konspiraziji ta' qtil....ara l-ħames akkużi fl-artiklu

Albert Gauci Cunningham / 6 ta' Diċembru 2017 08:33
Ilbieraħ filgħaxija ttellgħu l-Qorti t-tliet irġiel akkużati bil-qtil ta' Daphne Caruana Galizia. Alfred u George Degiorgio, magħrufin bħala l-Fulu u ċ-Ċiniż kif ukoll Vince Muscat magħruf bħala l-Koħħu. L-aħwa Degiorgio kienu jgħixu San Pawl il-Baħar u Muscat, l-Imsida. Għalkemm it-tlieta inqabdu f'maħżen fejn kienu jiltaqgħu fil-Menqa tal-Marsa. 

L-akkużi miġjuba kontra dawn it-tlieta huma ħamsa; Omiċidju, involviment f'kriminalità organizzata, konsiparzija kriminali, użu kriminali ta' splussivi u li huma riċedivi. 

L-irġiel kienu identifikati mill-investigaturi hekk kif dawn għamlu ġimgħat jinvestigaw eluf ta' telefonati għan-numru li wassal għat-telefonata 'tal-mewt' u li allura splodiet il-bomba mwaħħla mal-karozza li kienet qed issuq DCG. 

Intant is-sit maltatoday.com.mt irrapporta kif ħafna mill-aqwa avukati tal-kriminal żammew lura milli jidhru għall-akkużati, minħabba 'n-natura delikata tal-każ u għax ftit iridu jkunu assoċjati ma' dan il-każ.'

Intant aqra iktar hawnhekk dwar l-arrest ta' dawn it-tlieta u l-passat kriminali tal-aħwa Degriogio u l-konferenza ta' nhar it-Tnejn ta' Joseph Muscat illi fiha tħabbar li kienu inqabdu dawn l-irġiel. 

Huwa mifhum li s-seba' irġiel l-oħrajn li nqabdu issa se jinħelsu mill-arrest, hekk kif iktar kmieni dalgħodu għaddew it-48 siegħa minn mindu kienu arrestati. 

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook