Il-Gvern se jaħdem fuq korsijiet li għandhom iwasslu biex professjonisti jkunu jistgħu jsiru għalliema.
Il-Ministru għall-Edukazzjoni Evarist Bartolo qal dan waqt żjara li għamel fil-Middle School fil-Hamrun.
Bartolo qal li jeħtieġ li jittieħdu miżuri biex tindirizzata l-isfida tan-nuqqas ta’ għalliema, għalkemm irrimarka li din il-problema f’pajjiżna mhix kbira bħalma hi f’pajjiżi oħra.
F’ewwel jum tas-sena skolastika, Evarist Bartolo rringrazzja lill-għalliema u l-edukaturi kollha hekk kif aktar minn 56,000 student u studenta rritornaw lura wara l-bankijiet tal-iskola.
Il-Ministru għall-Edukazzjoni qal li l-Gvern se jibqa’ għaddej bit-taħdidiet mal-amministrazzjoni l-ġdida tal-MUT biex jinstab ftehim għall-ftehim kollettiv ġdid għall-għalliema.
