Politika Kronaka Soċjali Intervisti Zekzik Poodle Għawdex Qrati u Pulizija

Chris Fearne jirbaħ it-tiġrija...mistenni jkun maħtur Deputat Prim Ministru

Chris Fearne elett Deputat Mexxej tal-PL u issa mistenni jinħatar Deputat Prim Ministru

Albert Gauci Cunningham / 15 ta' Lulju 2017 21:20
Il-Ministru Fearne jirbaħ it-tiġrija u mistenni jinħatar Deputat PM
Wara kampanja li damet ftit iktar minn tliet ġimgħat ilbieraħ id-delegati Laburisti għamlu l-għażla tagħhom għal Deputat Mexxej u Deputat Prim Ministru. Wara t-tieni jum ta' votazzjoni kien Chris Fearne ġie elett wara tellieqa u taqtiegħa ħarxa bejn tliet Ministri, li huma fost l-aktar popolari li għandu Gvern Laburisti. 

Fl-aħħar elezzjoni Fearne kien l-aktar Deputat li ġab voti, wara li taqta liż-żewġ mexxejja, b'10,000 vot minn żewġ distretti Fl-istħarriġ tal-Maltatoday huwa kien ukoll l-aktar Ministru popolari ta' Gvern Laburista. Fearne, li huwa Ministru tas-Saħħa, ra l-popolarità tiegħu tikber bi ftit li xejn kritika diretta lejh mill-kritiċi ta' Gvern Laburista, nkluż tal-PN. 

Dan wara l-ewwel votazzjoni illi minnha l-Ministru Helena Dalli kienet eliminata wara li ġabet biss 199 vot. 

Fearne kiseb 367 vot, li jfisser 51% tal-voti mitfugħa, filwaqt li Edward Scicluna kiseb 48.5% tal-voti mitfugħa.

L-ILLUM kienet intervistat lil Fearne, f'sensiela ta' intervisti li saru mat-tliet kontestanti; Aqra l-intervista sħiħa li kienet saret hawnhekk 

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook