Raġel ta' 81 sena mill-Imsida qed isofri minn ġrieħi gravi wara li safa' milqut minn vettura.
L-inċident seħħ dalgħodu għall-ħabta tal-10:20 am, fi Triq Ix-Xatt ta’ Xbiex, l-Imsida.
Il-Pulizija marret minnufih fuq il-post u minn stħarriġ preliminari li sar, irriżulta li raġel ta’ 81 sena residenti l-Imsida safa’ milqut minn vettura ta’ misjuqa minn raġel ta’ 30 sena residenti l-Gudja.
Fuq il-post issejħet ambulanza li ħadet lir-raġel ta’ 81 sena l-Isptar Mater Dei għall-kura fejn iktar tard, ġie ċċertifikat li qiegħed isofri minn ġrieħi gravi.
L-investigazzjonijiet dwar dan l-inċident għadhom għaddejjin.