Raġel ta' 28 sena li l-ġimgħa l-oħra qala' pandemonju sħiħ fil-Bajja ta' Marsalforn ġie kkundannat sentejn ħabs u mmultat €5,000.
L-akkużat mwieled l-Eritrea u residenti ż-Żebbuġ Għawdex kien akkużat li kiser il-kwiet u l-paċi pubblika, irreżista, hedded u li kkaġuna ġrieħi ta' natura ħafifa fuq tliet uffiċjali tal-Korp tal-Pulizija.
Iżda mhux biss hekk kif jidher li l-akkużat ħebb, hedded u kkaġuna ġrieħi lil-tabiba waqt li huwa kien fl-Isptar Ġenerali t'Għawdex.
Fil-Qorti huwa wieġeb ħati għall-akkużi miġjuba kontrih u llum ingħata sentenza ta’ sentejn ħabs u ġie mmultat €5,000.
Il-prosekuzzjoni tmexxiet mill-Ispettur Josef Gauci.