Il-membri tal-ġurija se jkunu qiegħdin jiddeċiedu jekk is-sieħeb u l-akkużat ewlieni fil-qtil ta’ Maria Lourdes Agius kienx mentalment stabbli meta allegatament qatel lill-mara.
Waqt il-kumpilazzjoni tal-evidenza fil-każ tal-qtil l-akkużat qal li hu jbati minn problemi ta’ saħħa mentali u għalhekk ma setax jifhem dak li kien qed jagħmel.
Minħabba din id-dikjarazzjoni tad-difiża, il-kumpilazzjoni tal-evidenza kellha tkun sospiża, hekk il l-każ kellu jgħaddi għand l-Avukat Ġenerali. Fl-istess waqt tim ta’ psikjatri eżaminaw l-akkużat bl-eżitu tal-viżta ippreżentata fil-Qorti.
Intant illum fil-Qorti, wieħed mill-prosekuturi mill-Uffiċċju tal-Avukat Ġenerali tkellem mal-membri tal-ġurija dwar it-toqol tad-deċiżjoni finali tagħhom.
Huwa spjega li m’huwiex biżżejjed li l-akkużat jiddikjara li huwa mhuwiex stabbli mentalment jew li jġib ċertifikat mediku li juri dan.
“Il-kapaċità li wieħed jagħraf is-sewwa mill-ħażin huwa rekwiżit legali għall-insanità legali. Kif nistgħu nafdaw lil dan il-bniedem li qabel il-qtil kellu x’jaqsam sesswalment mal-vittma u imbagħad qatilha?
L-avukat tal-prosekuzzjoni
“L-akkużat kien jaf il-konsegwenzi tal-azzjonijiet tiegħu. Kien jaf x'ġara u kien jaf x’inhu ħażin. Il-prosekuzzjoni se turi li mhux veru li l-akkużat kien mentalment instabbli.”
L-avukat spjega wkoll id-differenza bejn l-insanità legali u l-insanità medika. “Wieħed jista 'jkun mhux mentalment stabbli għall-fini mediċi u mhux mentalment stabbli legalment u viċi versa. Dak li qed nistaħrrġu aħna hi l-kapaċità fl-akkużat li jifhmu l-konsegwenzi tal-azzjonijiet tiegħu. Aħna mhux qed nitħarrġu dijanjosi. ”
.jpeg)
.jpeg)
