Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

'Msawtin, ittorturati u umiljati' fil-Libja - rapporti

Diversi ritratti ppublikati fuq il-gazzetta Taljana Avvenire juru l-gravità tas-sitwazzjoni umanitarja fil-Libja

Albert Gauci Cunningham / 28 t'Awwissu 2018 16:20
Wieħed mir-ritratti, ppublikati fuq l-Avvenire
Il-gazzetta Taljana Avvenire ppubblikat ritratti xokkanti ta' dak li jidher illi huwa abbuż sfaċċat li għaddej fil-Libja fil-konfront tal-immigranti, kwistjoni illi l-gazzetta ILLUM rrappurtat dwarha ftit ġimgħat ilu meta kienet żvelat kif xi immigranti saħansitra qed jintalbu jġorru droga għal ġol-Libja. 

Ritratti juru irġiel Afrikani msawwtin bil-frosta, umiljati, ittorturati jew saħansitra mdendlin rashom l-isfel. Filmati ta' dan l-allegat abbuż ingħataw lill-Papa Franġisku. 

La Repubblica tgħid illi l-Ministru tal-Intern Taljan Matteo Salvini qed ikun "rasu iebsa" meta jinsisti li l-Libja hija port sigur. 

Mdendlin u msawtin
Intant fi stqarrija n-Nazzjonijiet Uniti (UN) qalu illi l-immigranti  Aftikani li ma tħallewx jidħlu l-Italja l-ġimgħa l-oħra kienu ilhom jinżammu minn traffikanti għa kważi sentejn fil-Libja u "kienu msawtin, ittorturati u stuprati."

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook