Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

Qorti | Bewsa u avvanzi fuq waiter jitfgħu anzjan fl-inkwiet

Awstraljan ta' 67 sena ibus lil waiter f'għonqu, jagħmel avvanzi sesswali u jispiċċa l-Qorti...

Albert Gauci Cunningham / 2 t'Awwissu 2018 15:00
(Arkivji)
Avvanz sesswali ħalla anzjan fl-inkwiet u akkużat quddiem il-Qorti. L-Awstraljan kien akkużat illi wettaq atti sesswali mingħajr il-kunsens tal-vittma, f'dan il-każ waiter fil-lukanda fejn kien qed joqgħod. 

Jidher illi r-raġel ta' 67 sena allegatament bies għonq il-waiter u għamel avvanzi kontra r-rieda ta' dan il-waiter, bil-maniġment imur għand il-Pulizija 

L-avukati tal-anzjan Gianluca Caruana Curran  u Gianella Demarco wieġbu 'mhux ħati' f'isem il-klijent tagħhom li suppost se jitlaq minn Malta wara vaganza hawn nhar it-Tnejn u li ma setgħax jintrabat li jgħix f'lukanda jew akkomodazzjoni alternattiva sakemm ikun deċiż il-każ kollu. . 

"Lanqas qatt ma kien mressaq il-Qorti għal xi ħaġa f'ħajtu kollha," sostniet Demarco. 

Ir-raġel ingħata ħelsien mill-arrest u ordnatlu jħallas €1,500 u garanzija personali ta' €2,500. 

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook