Politika Kronaka Soċjali Intervisti Zekzik Poodle Għawdex Qrati u Pulizija

Qorti | 'Kien hemm biċċiet minn ġisimha ma kullimkien...'

L-espert forensiku Mario Scerri jagħti rakkont xokkanti ta' dak li sab f'dik l-għalqa tal-Bidnija, sigħat wara li Daphne Caruana Galizia inqatlet...

Albert Gauci Cunningham / 19 ta' Lulju 2018 10:41
Daphne Caruana Galizia
L-espert forensiku Mario Scerri, li kien qed jixhed waqt il-kumpilazzjoni tal-evidenza fil-każ tal-qtil ta' Daphne Caruana Galizia, qal illi hu kien involut fil-każ l-għada li nqatlet Caruana Galizia, jiġifieri nhar is-17 ta' Ottubru. Kien il-Maġistrat Tony Vella illi talbu biex ikun parti mill-investigazzjoni tal-każ. 

"Kien hemm biċċiet minn ġisimha mxerrdin mal-għalqa kollha, kien hemm idejn qrib il-karozza u sieq kienet ftit il-bogħod," qal Scerri. 

"Ippruvajna inneħħu l-ġisem kollu f'daqqa, sa fejn kien possibbli," xehed  Scerri. 

Il-ġurnalista u blogger Daphne Caruana Galizia, inqatlet f'bomba nhar is-16 ta' Ottubru, ftit wara li ħarġet mid-dar tagħha. Kien wara nofsinhar u kienet għadha kif lestiet l-aħħar blogg li kitbet. 

F'Diċembru, il-Pulizija arrestat 10 irġiel, iżda l-akkużi tressqu kontra tlieta; l-aħwa Alfred u George Degiorgio u Vince Muscat.

Il-Maġistrat Claire Stafrace Zammit qed tippresiedi fuq il-kumpilazzjoni.

 

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook