Politika Kronaka Soċjali Intervisti Zekzik Poodle Għawdex Qrati u Pulizija

Aġġornata | II-parteċipazzjoni ta' Pulizija f'marċ iġġiblu ħafna messaġġi ta' solidarjetà

Kuntistabbli li spiċċa fuq l-ispallejn f'marċ, jispiċċa fuq il-gazzetta tal-PN...u jibdew il-messaġġi ta' solidarjetà

Albert Gauci Cunningham / 17 ta' Lulju 2018 14:00
L-istorja kif dehret fuq il-faċċata ta' 'In-Nazzjon'
Il-Pulizija Joseph Mangion spiċċa fuq l-ispallejn f'marċ fil-Belt Valletta fil-festa tal-Madonna tal-Karmnu. Fatt illi spiċċa rrappurtat fuq il-gazzetta tal-Partit Nazzjonalista bi prominenza fuq il-faċċata ta' quddiem, illum. L-artiklu jgħid illi bosta persuni li tkellmu mal-gazzetta sostnew illi dan l-aġir kien 'kundannabbli' u sejħu l-parteċipazzjoni tal-Kuntistabbli fil-marċ bħala 'purċinellati' 

Mhux hekk jaħsbu ħafna nies oħrajn li dalgħodu tawha għal midja soċjali biex juru solidarjetà ma' Mangion. Fosthom kien hemm il-Kunsillier Laburista tal-Belt Valletta Ray Azzopardi, li staqsa lill-awtur tal-istorja għalfejn qed 'jaqbad' ma' dan il-Pulizija. Bosta oħrajn tkellmu dwar dan il-każ, fosthom, residenti Beltin. 

Persuni li kienu preżenti fil-marċ in kwistjoni sostnew illi dan l-'inċident' kien kollu spontanju, hekk kif numru ta' żgħażagħ għollew lil Mangion  fuq l-ispallejn u hu kompla magħhom. Mangion, peress li jaħdem fl-għassa tal-Belt u jkun ukoll għassa mal-berġa ta' Kastilja, huwa magħruf minn ħafna mar-residenti Beltin. 

Intant f'kuntatt ma' dan is-sit il-Kuntistabbli qal illi hu kien mgħajjat id-Depot fejn għamel statement u ikkonferma li fil-filmat kien hu. Hu ma xtaqx iwieġeb mistoqsijiet dwar jekk hux se tittieħed azzjoni ulterjuri kontrieh. 

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook