Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

Akkużat li serqilha l-mowbajl waqt li kienet qed tistenna fuq bus stop f'Birżebbuġa

...il-Qorti ma tilqax it-talba biex jingħata ħelsien mill-arrest

Albert Gauci Cunningham / 16 ta' Lulju 2018 12:57
Raġel mill-Ghana  u li jgħix Birżebbuġa ttella l-Qorti akkużat illi seraq mowbajl, billi ħatfu mingħand żgħażugħa li kienet qed tużah dak il-ħin.

Ir-raġel li deher quddiem il-Maġistrat Yana Micallef Stafrace huwa mifhum li seraq mowbajl tat-tip Samsung Galaxy S6. Iż-żgħażugħa kienet qed tistenna tal-linja fuq il-bus stop f'Birżebbuġa stess. 

L-Avukat David Camilleri qal li l-klijent tiegħu, r-raġel mill-Għana, qed jirrispondi mhux ħati u talab il-ħelsien mill-arrest għax "mhuwiex sew jinżamm arrestat għax seraq mowbajl."

Il-Qorti iżda m'aċċettatx it-talba tal-akkużat wara li dan ripetutament wieġeb li m'għandux indirizz fiss. Għalhekk huwa se jinżamm fil-kustodja tal-Pulizija. 

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook