Politika Kronaka Soċjali Intervisti Zekzik Poodle Għawdex Qrati u Pulizija

Sgassa tieqa ta' ħanut u seraq il-flus fis-siegħat bikrin ta' filgħodu

Serqa minn ħanut fil-Ħamrun tħalli s-sid bi ġrieħi...l-Pulizija qed tinvestiga

Albert Gauci Cunningham / 11 ta' Lulju 2018 11:48
(Arkivji)
Matul il-lejl li għadda, għall-ħabta tat-3:15 am, il-Pulizija rċeviet rapport ġewwa l-Għassa tal-Ħamrun li kienet għadha kemm seħħet serqa minn ħanut fi Triq il-Kunċizzjoni, il-Ħamrun.

Minn stħarriġ preliminari li għamlet il-Pulizija, irriżulta li raġel mhux magħruf kien daħal fil-ħanut billi allegatament sgassa tieqa sabiex jisraq. F’dak il-ħin, ġewwa, kien hemm is-sid, raġel ta’ 37 sena li pprova jwaqqaf lill-ħalliel. Jidher li r-raġel ta’ 37 sena sofra xi ġrieħi wara li allegatament safa’ aggredit permezz ta’ arma li taqta’ u bil-ponta. Il-ħalliel irnexxielu jaħrab minn fuq il-post b’ammont ta’ flus kontanti.

Il-vittma ttieħed l-Isptar Mater Dei permezz ta’ ambulanza fejn ġie ċċertifikat li qiegħed isofri minn ġrieħi gravi. L-investigazzjoni tal-Pulizija dwar dan il-każ għadha għaddejja

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook