Anzjan bi ġrieħi gravi wara li qala' daqqiet ta' oġġett iebes

Anzjan ta' 63 sena qed isofri minn ġrieħi gravi wara li qala' daqqiet ta' oġġett iebes f'argument li kellu ma' raġel ieħor.

Il-każ seħħ dalgħodu, għall-ħabta tal-11:30am, fi Triq il-Kbira f'Birkirkara.

Mill-ewwel informazzjoni, l-anzjan ġie fl-idejn ma' raġel ieħor ta' 44 sena minn San Pawl il-Baħar.

L-anzjan ittieħed Mater Dei.

L-investigazzjonijiet tal-Pulizija għadhom għaddejja.