Politika Kronaka Soċjali Intervisti Zekzik Poodle Għawdex Qrati u Pulizija

Anzjan jitlef ħajtu wara li ttajjar fil-Marsa

It-tieni vittma fit-toroq Maltin fi ftit sigħat

Staff Reporter / 12 t'Awwissu 2017 11:26
Anzjan ta' 72 sena kien it-tieni vittma fit-toroq Maltin f'temp ta' ftit sigħat, hekk kif tilef ħajtu wara li ntlaqat minn vettura fil-Marsa, wara li ftit sigħat qabel żagħżugħ tilef ħajtu f'Selmun.

Il-każ seħħ iktar kmieni dalgħodu għall-ħabta tas-7:00, meta l-Pulizija ġiet infurmata li kien hemm inċident stradali, fi Triq Aldo Moro, Marsa.

Il-Pulizija marru immedjatament fuq il-post, fejn min investigazzjoni primarja deher li vettura tat-tip Citroen Cactus, misjuqa min raġel ta’ 37 sena li jirrisjedi Ħaż Żabbar, laqgħtet raġel ta’ 72 sena li jirrisjedi l-Marsa.

Fuq il-post ġiet imsejħa ambulanza li ħadet lir-raġel ta’ 72 sena ġewwa l-Isptar Mater Dei għal aktar kura. Aktar tard huwa ġie iċċertifikat tilef ħajtu.

Bil-każ ġiet infurmata l-Maġistrat tal-Għassa li ordnat li ssir inkjesta u ħatret diversi esperti sabiex jassistuha. L-investigazzjonijiet tal-Pulizija għadhom għaddejjin.

Stħarriġ
Segwina fuq Facebook