Politika Kronaka Soċjali Intervisti Zekzik Poodle Għawdex Qrati u Pulizija

Ħabta fin-Nadur tħalli żewġ anzjani mejta u żagħżugħ ferut gravi

Żewġ anzjani jkunu vittmi oħra ta' inċidenti tat-traffiku

John Busuttil / 20 ta' Marzu 2017 08:55
Żewġ anzjani Ingliżi residenti x-Xagħra Għawdex tilfu ħajjithom f'inċident tat-traffiku fin-Nadur wara li l-karozza li kien qed isuq ir-raġel kienet involuta f'impatt ma' karozza oħra misjuqa minn ġuvni ta' 25 sena.

Il-każ seħħ lbieraħ filgħaxija għall-ħabta tal-11:00, meta l-Pulizija ġiet infurmata li kien għadu kemm seħħ inċident stradali fi Triq ir-Rabat, in-Nadur, Għawdex.

Il-Pulizija tad-Distrett marru minnufih fuq il-post fejn sabu żewġ vetturi, waħda tat-tip Suzuki Ignis, misjuqa minn Ingliż ta’ 68 sena, residenti x-Xagħra, Għawdex u vettura oħra tat-tip Peugeot Partner, misjuqa minn raġel ta’ 25 sena u residenti l-Qala. Passiġġiera fil-vettura Suzuki kien hemm Ingliża ta’ 73 sena, residenti x-Xagħra.

Fuq il-post issejħu l-Membri mid-Dipartiment tal-Protezzjoni Ċivili u tim mediku li għenu sabiex setgħu jinħarġu l-persuni minn ġol-vetturi. Sfortunatament l-anzjani ġew iċċertifikati mejta iktar tard, fl-Isptar Ġenerali t’Għawdex, filwaqt li ir-raġel ta’ 25 sena kien iċċertifikat li sofra ġrieħi gravi. Bil-każ ġiet infurmata l-Maġistrat tal-Għassa li ordnat li ssir Inkjesta u ħatret diversi esperti sabiex jassistuha filwaqt li l-investigazzjonijiet tal-Pulizija dwar dan il-każ għadhom għaddejjin.

 

John Busuttil attenda is-Seminarju tal-Arċisqof fil-livell sekondarju. Fl-1978 attenda għal kors tal-Method Study organizzat mill-Malta Institute of Management u ġie ċċertifikat fil-Method Time Study. Fl-1987 attenda b’suċċess għal kors fil-Middle Management organizzat mid-dipartiment tal-Management studies fl-Universita ta’ Malta. Għal erba snin sħaħ, 1994, 2000, 2001 u 2004 kien finalist tal-ġurnalist tas-sena fil-BPC awards u fl-2004 ingħata dan l-unur għal 'significant contribution to Professional Journalism' Producer & Presenter ta' diversi programmi fuq NET TV, SMASH TV, PBS u ONE TV. Ipproduċa u ppreżenta programmi radjufoniċi dwar Vjaġġar u Sport u pparteċipa f'diversi programmi televiżivi u radjufoniċi dwar suġġetti varjati. Għal 43 sena ħadem mal-Media Link. U bħalissa jaħdem mal-MediaToday.
Segwina fuq Facebook