Il-portal INEWS irrapurtat li Raġel ta’ nazzjonalità barranija ġie arrestat ftit tal-ħin ilu wara li agredixxa grupp ta’ tfal fil-bandli tal-Marsa qrib il-Knsija Parokkjali tal-istess post. Skont l-INEWS li tkellmu mal-pulizija qalulhom li jidher li dan ir-raġel, li fil-mument li ġara l-aċċident kien fis-sakra, agredixxa lil grupp ta’ tfal u f’ħin minnhom qabad jiġbed il-flokk ta’ tifel partikolari waqt li beda jtih kemm jiflaħ biċ-ċinturin. Iktar minn dan, it-tfal allegaw li f’punt minnhom dan ir-raġel offenda l-pudur tat-tfajliet preżenti billi beda jikxef il-parti ġenitali tiegħu. Jidher li dan ir-raġel, f’punt minnhom, agredixxa lil dawn it-tfal b’oġġett magħmul mill-metall.
Żewġ vetturi tar-RIU u oħra tad-distrett b’numru ta’ pulizija tkellmu ma' grupp ta’ madwar sebat’itfal. L-INEWS li kienu preżenti fuq il-post meta waslu l-pulizija rrapurtaw li ħin minnhom feġġ tifel ta' madwar 15-il sena b’marki fuq għonqu u wiċċu bil-flokk mwessgħa.
Ir-raġel kien arrestat. Il-pulizija talbu lit-tfal li flimkien mal-ġenituri tagħhom imorru l-għassa tal-Ħamrun jagħmlu rapport ta' dak kollu li ġara.