Attakk ieħor fuq il-pulizija...din id-darba fi New York u b'mannara

Aggressur b'tendenzi Iżlamiċi jattakka 4 pulizija fi New York b'mannara, iferi tnejn u jinqatel mit-tnejn l-oħra

L-aggressur bil-mannara li mbagħad inqatel. Ritratt - SKY News
L-aggressur bil-mannara li mbagħad inqatel. Ritratt - SKY News

Żewġ pulizija spiċċaw feruti, wieħed minnhom gravi meta raġel armat b'mannara attakkahom, il-bieraħ waqt li kienu fuq ir-ronda tagħhom fi Queens New York.

L-aggressur wara ġie maqtul minn żewġ aġenti oħra. Fil-fatt l-aggressur attakka lill-erba pulizija iżda fera biss tnejn minnhom, wieħed f'rasu u l-ieħor f'idejh,  filwaqt li t-tnejn l-oħra qatluh. Qed jingħad li kien hemm mara fil-viċinanzi li wkoll ġiet feruta ħafif. Wara dan l-inċident u wara dak li ġara fil-Kanada l-pulizija u s-suldati ġew ordnati biex jkunu dejjem attenti għal dak li jkun qed jiġri madwarhom.

L-aggressur jismu Zale Thompson ta' 32 sena u fuq il-profil tiegħu ta' facebook hemm ritratt ta' militant Iżlamiku u hemm ukoll talba bl-Għarbi. Iżda l-media Amerikana qalet li dan ir-raġel diġa kien għamel xi żmien il-ħabs u kien anke mkeċċi min-Navy Amerikana minħabba kondotta ħażina.

 

More in Kronaka