Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

Refalo mdawwar bit-tfal Sportivi Għawdxin

Jirdoppja l-ammont ta’ tfal Għawdxin li jipprattikaw l-isport fil-programm ‘On the Move

John Busuttil / 23 ta' Jannar 2017 08:50
’ Il-Ministru għal Għawdex Anton Refalo żar il-kumpless sportiv fir-Rabat Għawdex fejn kull nhar ta’ Ġimgħa u Sibt madwar 450 tifel u tifla Għawdxin qed jipparteċipaw f’attivitajiet sportivi filprogramm ‘On The Move’. It-tfal qed jattendu għal 24 ġimgħa ta’ attività sportiva fil-kumpless sportiv ta’ Għawdex u f’kumplessi oħra mifruxa fil-gżira. L-attendenza ta’ din is-sena hi waħda rekord u tfisser li mis-sena l-oħra l’hawn irdoppjat. Jirriżulta li fil-bidu kien hemm biss mal-100 student jipparteċipaw, u s-sena l-oħra l-figura telgħet għal 250. L-iskema qed jieħdu ħsiebha l-Gozo Sports Board b’kollaborazzjoni mal-Ministeru għal Għawdex u mmexxija minn SportMalta. Min-naħa tiegħu, il-Ministeru għal Għawdex għal sena oħra qed jissussidja l-prezz u joffri trasport b’xejn minn kull raħal. Infatti l-parteċipanti Għawdxin qed iħallsu nofs prezz. Barra minn hekk, għall-ewwel darba din is-sena, qed jiġu organizzatti attivitajiet anke l-Ġimgħa fejn tfal tal-kinder u pre-kinder qed ikollhom sessjoni speċifiċi għalihom. Dan minbarra diversi sessjonijiet ta’ keep fit fosthom b’wieħed speċifiku għal persuni ‘l fuq minn 60 sena. Programm ta’ din ix-xorta jgħin biex jekk xi nanniet ikunu qed jieħdu ħsieb in-neputijiet tagħhom minflok joqogħdu jistennewhom jingħataw taħriġ li jservihom tajjeb għal saħħithom. Din is-sena wkoll ser ikun hemm diversi dixxiplini ġodda fejn l-aktar li qed jiġbdu interess huma lbadminton u l-horse riding, iċ-ċikliżmu, iċ-chess, ir-rugby, il-yoga, l-atletika, it-tennis, l-isquash, iż-żfin, l-arti marzjali u l-ġinnastika. Il-Ministru tenna li l-ħidma li qed issir mill-Gozo Sports Board qed tħalli l-frott mixtieqa fejn din issena hemm numru rekord ta’ madwar 450 parteċipant. Il-Ministru rringrazzja lill-Gozo Sports Board, l-għalliema u l-coaches kif ukoll lill-SportMalta tal-kollaborazzjoni sħiħa li teżisti.

John Busuttil attenda is-Seminarju tal-Arċisqof fil-livell sekondarju. Fl-1978 attenda għal kors tal-Method Study organizzat mill-Malta Institute of Management u ġie ċċertifikat fil-Method Time Study. Fl-1987 attenda b’suċċess għal kors fil-Middle Management organizzat mid-dipartiment tal-Management studies fl-Universita ta’ Malta. Għal erba snin sħaħ, 1994, 2000, 2001 u 2004 kien finalist tal-ġurnalist tas-sena fil-BPC awards u fl-2004 ingħata dan l-unur għal 'significant contribution to Professional Journalism' Producer & Presenter ta' diversi programmi fuq NET TV, SMASH TV, PBS u ONE TV. Ipproduċa u ppreżenta programmi radjufoniċi dwar Vjaġġar u Sport u pparteċipa f'diversi programmi televiżivi u radjufoniċi dwar suġġetti varjati. Għal 43 sena ħadem mal-Media Link. U bħalissa jaħdem mal-MediaToday.
Stħarriġ
Segwina fuq Facebook