Politika Kronaka Soċjali Intervisti Zekzik Poodle Għawdex Qrati u Pulizija

Ġurnata ta’ divertiment għat-Tfal f’Għawdex

Nhar il-Ġimgħa t-tfal kollha Għawdxin u Maltin mistednin għal divertiment b'xejn fil-ground tal-iskola Ninu Cremona...

John Busuttil / 7 ta' Settembru 2016 08:04
Nhar il-Ġimgħa. L-għada tal-Vitorja, it-tfal Għawdxin kollha huma mistiedna biex iqattgħu ġurnata ta’ divertiment b’xejn fil-ground tal-iskola Ninu Cremona.

Din il-ġurnata li ġiet imsejħa Fun Festival se tkun bejn id-9.00am u nofs in-nhar fejn ser ikun hemm bouncy castles, mega slide, go-karts, human flytrap, bungee run, inflatable water park, sand art, giant party games, gladiator duel, balloon modeling, face painting u cartoon characters. Kollox b’xejn u miftuħ għat-tfal kollha, anke dawk li jkunu qed iżuru Għawdex. It-tfal kollha se jingħataw frotta u flixkun ilma ġentilment mogħti mill-General Soft Drinks.

Il-ġurnata speċjali se tagħlaq il-programm Sportiv ta’ Summer on the Move li gie organizzat f’Ghawdex għall-ewwel darba. Fejn anke se jingħataw ċertifikati lil madwar 80 tifel u tifla li attendew filgħodu u filgħaxija tul is-sajf kollu għal taħriġ f’diversi dixxiplini sportivi. Dan kollu kien possibli bil-hidma kongunta ta’ Sport Malta, l-Ministeru għal Għawdex u l-Gozo Sports Board. Filfatt il-Ministeru ghal Ghawdex offra sussidju ta’ hamsin fil-mija (50%) lil dawk kollha li tħajru u baghtu lil uliedhom ghal dan il-programm. 

Għal din l-attivita’ ser ikunu wkoll preżenti l-Ministru ghal Ghawdex Anton Refalo, kif ukoll is-Segretarju Parlamentari responsabbli mill-iSport Chris Agius, u l-Kapi Eżekuttivi ta’ Sport malta, Mark Cutajar u Gozo Sports Board, Alvin Grech.  

Apparti dan it-tfal kollha ser jinghataw applikazzjoni temporanja tal-Programm tax-Xitwa On the Move li ser jinżamm f’Ghawdex u li mistenni li jibda fil-15 ta’ Ottubru. Dan il-programm ghat-tieni sena konsekuttiv ser ikun organizzat minn Sport Malta, l-Ministeru ghal Ghawdex u l-Gozo Sports Board. Bit-tfal Għawdxin ikollhom sussidju fuq il-miżata tagħhom u trasport b’xejn minn kull raħal sal-Isports Complex.

John Busuttil attenda is-Seminarju tal-Arċisqof fil-livell sekondarju. Fl-1978 attenda għal kors tal-Method Study organizzat mill-Malta Institute of Management u ġie ċċertifikat fil-Method Time Study. Fl-1987 attenda b’suċċess għal kors fil-Middle Management organizzat mid-dipartiment tal-Management studies fl-Universita ta’ Malta. Għal erba snin sħaħ, 1994, 2000, 2001 u 2004 kien finalist tal-ġurnalist tas-sena fil-BPC awards u fl-2004 ingħata dan l-unur għal 'significant contribution to Professional Journalism' Producer & Presenter ta' diversi programmi fuq NET TV, SMASH TV, PBS u ONE TV. Ipproduċa u ppreżenta programmi radjufoniċi dwar Vjaġġar u Sport u pparteċipa f'diversi programmi televiżivi u radjufoniċi dwar suġġetti varjati. Għal 43 sena ħadem mal-Media Link. U bħalissa jaħdem mal-MediaToday.
Stħarriġ
Segwina fuq Facebook