Politika Kronaka Soċjali Intervisti Zekzik Poodle Għawdex Qrati u Pulizija

Aġġornat | Kemmuna tieħu r-ruħ

L-Awtorità tat-Turiżmu ta’ Malta (MTA) toħroġ stqarrija dwar il-kontroll tan-numru ta’ deckchairs permessi, kif ukoll il-prezz mitlub għalihom

John Busuttil / 17 t'Awwissu 2016 09:38
ritratt meħud minn TVM.com.mt
Dalgħodu, TVM.com.mt ħarġu ritratt li jgħid ħafna meta ittieħed fit-8.30 ta dalgħodu u il-bajja ta' Kemmuna fl-aħħar ħadet nifs meta wara kontroversja sħiħa fuq il-media u media soċjali jidher li ttieħdu passi u din il-bajja issa nfetħet biex jista jgawdiha kulħadd u mhux min biss iħallas biex jikri umbrella jew deckchair.

Aktar tard matul il-ġurnata, fi stqarrija maħruġa mill-Awtorità tat-Turiżmu ta’ Malta (MTA), intqal li bħala parti mill-isforzi li qed tagħmel sabiex jiġu rispettati r-regoli fuq il-bajjiet f’Kemmuna, uffiċjali tal-Awtorità reġgħu kienu fuq Kemmuna dalgħodu sabiex jispezzjonaw I jħarsu l-attività relatata mal-kiri ta’ umbrellel u deckchairs fil-Blue Lagoon u fil-bajja ta’ Santa Marija.

l-MTA innotat li r-regolamenti dwar in-numru ta’ deckchairs permessi, kif ukoll il-prezz mitlub għalihom skont iż-żona tal-gzira, qegħdin jiġu rispettati.

Sa mill-bidu ta’ dan is-sajf, stqarret l-MTA, l-uffiċjali żaru Kemmuna fuq bażi regolari u nfatti s’issa diġà ingħataw multi b’ammont ta’ €12,000 għall-ksur tar-regolamenti.

L-MTA xtaqet tinfurma l-pubbliku, li minkejja li hemm lok għall-progress, is-sitwazzjoni diġà hija aħjar minn dik li kienet fis-snin li għaddew, fejn minflok l-1500 deckchair li kien hemm qabel, issa hemm biss post allokat għal 230 waħda.

Bl-estensjoni tal-faċilità ta’ kiri ta’ deckchairs u servizz ta’ ‘lifeguard’ anke fil-bajja ta’ Santa Marija, l-MTA qed tgħin biex tnaqqas l-ammont ta’ nies li joħonqu l-Blue Lagoon, billi dawn ikollhom l-opportunità jgawdu żoni inqas iffullati ta’ Kemmuna.

John Busuttil attenda is-Seminarju tal-Arċisqof fil-livell sekondarju. Fl-1978 attenda għal kors tal-Method Study organizzat mill-Malta Institute of Management u ġie ċċertifikat fil-Method Time Study. Fl-1987 attenda b’suċċess għal kors fil-Middle Management organizzat mid-dipartiment tal-Management studies fl-Universita ta’ Malta. Għal erba snin sħaħ, 1994, 2000, 2001 u 2004 kien finalist tal-ġurnalist tas-sena fil-BPC awards u fl-2004 ingħata dan l-unur għal 'significant contribution to Professional Journalism' Producer & Presenter ta' diversi programmi fuq NET TV, SMASH TV, PBS u ONE TV. Ipproduċa u ppreżenta programmi radjufoniċi dwar Vjaġġar u Sport u pparteċipa f'diversi programmi televiżivi u radjufoniċi dwar suġġetti varjati. Għal 43 sena ħadem mal-Media Link. U bħalissa jaħdem mal-MediaToday.
Stħarriġ
Segwina fuq Facebook