Politika Kronaka Soċjali Intervisti Zekzik Poodle Għawdex Qrati u Pulizija

Il-Palma tad-Deheb għal The Travellers

Unur annwali għal min jiddistingwi ruħu fil-qasam mużikali

John Busuttil / 30 ta' Lulju 2016 08:53
Ta' kull sena l-Kumitat li jieħu ħsieb itella' l-Festival San Lawrenz ġewwa San Lawrenz Għawdex,  qabel il-jiem tal-Festa ad unur ta' San Lawrenz jippremja bl-unur "Il-Palma tad-Deheb"  lil xi żagħżugħ jew żagħżugħa jew group ta' żgħażagħ li jkun iddistingwixxew ruħhom fil-qasam mużikali. Ir-rebbieħa ta' dan l-unur għal din is-sena huma l-Grupp Travellers.

The Travellers, grupp mużikali magħruf l-aktar għad-debutt tiegħu bid-diska “Sempliċità”, vara l-ewwel  EP tiegħu, li jinkludi ħames diski oriġinali bil-lingwa Maltija f’April li għadda. Il-grupp ingħaqad fl-2013 b’mira li joħloq xi ħaġa differenti fix-xena mużikali versatili li għandna ġewwa Malta.

Clayton (Bassist), Joseph (Trumbetta), Chris (Kantant), u Andrew (Kitarrist), kienu l-membri oriġinali li bdew dan il-grupp. Aktar tard fl-2013 ingħaqdu magħhom Sylvano (Saxophone) u finalment Michael (Drums). Hawnhekk jimmarka l-bidu ta’ The Travellers.

Il-membri kollha tal-grupp ġejjin mill-gżira Għawdxija, li jinkludu Rabat, Xagħra, Kerċem, Għasri u n-Nadur. Dawn iż-żgħażagħ jaqsmu l-fliegu diversi drabi matul il-gimgħa minħabba fini ta’ xogħol u skola, għalhekk l-isem tal-grupp kien l-aktar wieħed adattat għalihom.

Il-grupp beda jaħdem fuq materjal b’mużika kontemporanja li fl-istess ħin tinkludi l-istrumenti tar-ram u lirika Maltija. Dan il-proċessqanqal kurżità kbira fil-membri stess u beda bħala esperiment biex jaraw kif il-melodija kontemporanja tista’ titqabbel ma’ lirika Maltija.

Minn dakinhar ‘l hawn, The Travellers varaw tliet singles bl-isem ta’ “Sempliċità”, “Dak li Int”, u “Xemx u Xita” liema tlieta spiċċaw kollha fil-quċċata tal-klassifika mużikali lokali kemm tar-radju lokali kif ukoll tal-PRS. L-għan prinċipali ta’ dan il-proġett kien li jinbidel il-kunċett tal-ilsien Malti fil-mużika kontemporanja fil-gżejjer Maltin.

Dan kollu ma jfissirx li l-grupp ser jirristretta ruħu għal mużika blilsien Malti biss, però qed iħarsu ‘il quddiem għal-futur tagħhom u x’jista’ jġib miegħu!

John Busuttil attenda is-Seminarju tal-Arċisqof fil-livell sekondarju. Fl-1978 attenda għal kors tal-Method Study organizzat mill-Malta Institute of Management u ġie ċċertifikat fil-Method Time Study. Fl-1987 attenda b’suċċess għal kors fil-Middle Management organizzat mid-dipartiment tal-Management studies fl-Universita ta’ Malta. Għal erba snin sħaħ, 1994, 2000, 2001 u 2004 kien finalist tal-ġurnalist tas-sena fil-BPC awards u fl-2004 ingħata dan l-unur għal 'significant contribution to Professional Journalism' Producer & Presenter ta' diversi programmi fuq NET TV, SMASH TV, PBS u ONE TV. Ipproduċa u ppreżenta programmi radjufoniċi dwar Vjaġġar u Sport u pparteċipa f'diversi programmi televiżivi u radjufoniċi dwar suġġetti varjati. Għal 43 sena ħadem mal-Media Link. U bħalissa jaħdem mal-MediaToday.
Stħarriġ
Segwina fuq Facebook