Politika Kronaka Soċjali Intervisti Zekzik Poodle Għawdex Qrati u Pulizija

'Tittraskurawx il-konfessjonarju, jekk hemm bżonn, aħlu ż-żmien tistennew fih'

L-isqof Grech lis-saċerdoti l-ġodda

John Busuttil / 29 ta' Mejju 2016 09:51
Waqt Quddiesa lbieraħ filgħaxija fil-knisja parrokkjali Ta’ Kerċem, l-Isqof ta’ Għawdex Mons. Mario Grech ta l-fakultà tal-Qrar lit-tliet saċerdoti ġodda tad-Djoċesi ta’ Għawdex li l-ġimgħa l-oħra rċevew l-Ordinazzjoni Presbiterali.

Din iċ-ċelebrazzjoni, li ssir kull sena b’mod privat għal dawk li jkunu ġew ordnati saċerdoti, din is-sena saret għall-ewwel darba b’mod uffiċjali, biex tagħmel iktar evidenti l-qawwa tas-Sagrament tar-Rikonċiljazzjoni f’din is-Sena Mqaddsa tal-Ħniena.

Il-messaġġ tal_isqof kien wieħed qawwi fejn lis-saċerdoti l-ġodda qalilhom: "Nirrakkomandalkom biex ma tittraskurawx il-konfessjonarju. Jekk hemm bżonn, aħlu ż-żmien tistennew fih, għax ma nafux xħin il-grazzja tista’ tmiss il-qalb tal-midneb u timbuttah biex iduq il-ħelsien li Qrara tajba taf tagħti."

John Busuttil attenda is-Seminarju tal-Arċisqof fil-livell sekondarju. Fl-1978 attenda għal kors tal-Method Study organizzat mill-Malta Institute of Management u ġie ċċertifikat fil-Method Time Study. Fl-1987 attenda b’suċċess għal kors fil-Middle Management organizzat mid-dipartiment tal-Management studies fl-Universita ta’ Malta. Għal erba snin sħaħ, 1994, 2000, 2001 u 2004 kien finalist tal-ġurnalist tas-sena fil-BPC awards u fl-2004 ingħata dan l-unur għal 'significant contribution to Professional Journalism' Producer & Presenter ta' diversi programmi fuq NET TV, SMASH TV, PBS u ONE TV. Ipproduċa u ppreżenta programmi radjufoniċi dwar Vjaġġar u Sport u pparteċipa f'diversi programmi televiżivi u radjufoniċi dwar suġġetti varjati. Għal 43 sena ħadem mal-Media Link. U bħalissa jaħdem mal-MediaToday.
Stħarriġ
Segwina fuq Facebook