Aħbarijiet | 28 ta’ Frar 2010 • Nr 175

Click to download feature in PDF Format

Naqra dwar kollox...

Kamra tal-banju mingħajr mikrobi

Meta nnaddfu l-kamra tal-banju ħafna drabi l-attenzjoni tkun fuq it-toilet. Imma hemm ħafna rkejjen oħra li jġorru magħhom ħafna mikrobi. Lest għall-eżami?

1 Naddaf is-sink sew
Il-bokka tas-sink minn fejn jiskula l-ilma hu l-aktar post li jġorr mikrobi fih. Riċerkaturi għamlu studju fin-New England Medical Center fl-Istati Uniti. Dawn sabu li d-drains tas-sink fihom aktar mikrobi milli jkollok fuq is-seat tat-toilet!
Metodu ta’ tindif tal-katusi favur l-ambjent hu dan li ġej: waddab żewġ tazzi ħall fil-katusa. Il-ħall hu kkalkulat li joqtol 99 fil-mija tal-mikrobi, 82 fil-mija tal-moffa u 80 fil-mija tal-viruses. Hemm min iwaddab tazza bleach. Iżda QATT twaddab bleach u ħall flimkien.

2. Naddaf id-drains tax-shower

Kull tliet ġimgħat naddaf ix-shower heads. Hemm tendenza li fihom jinġema ħmieġ, moffa u batterja.

3. Agħlaq is-seat tat-toilet

Kemm-il darba argumentajt ma’ xi ħadd fuq il-post tax-xogħol jew fid-dar dwar jekk is-seat tat-toilet għandux jinżamm mgħolli jew magħluq?
Esperti jsostnu li t-toilet għandu jinżamm magħluq. Kull darba li tifflaxxja t-toilet il-batterja u viral aerosols jibqgħu jduru fil-kamra tal-banju għal minn tal-inqas sagħtejn.
Dan l-ispray imbagħad jinżel fuq l-ixkupilji tas-snien, xugamani, eċċ…u allura l-mikrobi jispiċċaw trasferiti għal fuqna.

4. Purtieri tax-shower

Naddaf il-purtiera tax-shower b’mod regolari. Meta taħsilha uża żewġ partijiet ħall ma’ waħda ilma. Biddel il-purtiera tax-shower darba kull 6 xhur. Purtieri tal-plastik jew tad-drapp jiġbru magħhom moffa u mikrobi.

5. Dendel ix-xugamani

Wara li tixxotta, twaddabx ix-xugamani gorboġ fuq xulxin. Dendel ix-xugamani u iftaħhom ħalli jinxfu aktar malajr. Il-mikrobi jħobbu l-umdità u postijiet mudlama.
Biddel ix-xugamani tal-idejn b’mod frekwenti.

6. Fejn inżommu s-sapuna

Il-kontenitur fejn inpoġġu s-sapuna jista’ joħloq festa ta’ mikrobi jekk ma jitbattalx mill-ilma żejjed li jinżel mis-sapun.
L-ilma li jinġema’ jsir ilma qiegħed.
Trid soluzzjoni? Fittex kontenituri tas-sapun li jkunu mtaqqbin minn isfel. Inkella investi b’kontenitur ta’ sapun likwidu.

7. L-ixkupilja tas-snien

Meta se tippjana t-tfassil tal-kamra tal-banju ara li l-ixkupilji tas-snien ikollhom post tajjeb.
L-ixkupilja tas-snien għandha tinżamm f’post ’il bogħod mis-sink u ’l bogħod mit-toilet.
Ftakar li l-mikrobi jħobbu postijiet imxarrba u dawk għad-dlam.
Tpoġġix xkupilji tas-snien imxarrbin f’xi kexxun.
Tinsiex – biddel l-ixkupilja
tas-snien kull tliet xhur.

 

 

Editorijal

Is-soluzzjonijiet u l-protesti

Arkivji 2006-2008

Arkivji 2009

Arkivji 2010

Ara x'se jkun hemm f'Reporter
mit-Tnejn sal-Ġimgħa fit-7.45pm fuq TVM