Aħbarijiet | 10 ta’ Jannar 2010 Nr 168

Ċertifikat tat-tabib għat-tilqima A(H1N1)

Franica Pulis
fpulis@mediatoday.com.mt

Din il-ġimgħa ġenitur iddeċieda jieħu lil bintu ta’ tliet snin fi klinika pubblika għat-tilqima tal-A(H1N1) fuq il-parir li tah il-pedjatra tat-tifla. Iżda meta mar fil-klinika l-infermiera qaltlu li tfal ta’ dik l-età jingħataw it-tilqima jekk ikollhom ċertifikat tat-tabib li jbatu minn mard kroniku.
Għalhekk staqsejna lit-Tabib Ray Busuttil, Direttur Ġenerali fil-Qasam tas-Saħħa, x’inhuma l-istruzzjonijiet eżatti li ngħataw lill-ħaddiema tal-kliniċi u lill-bqija tat-tobba dwar il-vaċċin.
Busuttil sostna li l-istruzzjonijiet huma proprju dawk li kkwotat l-impjegata taċ-Ċentru tas-Saħħa.
“Bħalissa, minbarra lin-nisa tqal u ħaddiema fis-settur tas-saħħa, il-vaċċin qed jingħata lil kull min għandu iżjed minn sitt xhur u jbati minn mard kroniku li speċifikajna.
“Meta wieħed imur jitlaqqam għandu jieħu miegħu l-kartuna s-safra li sservi bħala ċertifikat tal-marda kronika. Min m’għandux karta safra jrid jieħu miegħu ċertifikat tat-tabib li jispeċifika dan. Fil-każ tat-tfal għandhom ukoll jieħdu l-ktieb li fih hemm imniżżel it-tilqim li jkunu ħadu,” temm jgħid Dr Busuttil.

Editorijal

Għadna ’l bogħod

Arkivji 2006-2008

Arkivji 2009